منهو كفوك ؟
| إبراهيم الزين |
المـنـهـو عُــقـبـك
يا امــيـر المـؤمـنين
نلـتجي افـزحـمـة
ادروب الغـافـليـن
مـنـهُ كـفـوك في
الـبـشـر يـا سـيـدي
صوبـه نتـوجه
في كـل حـزّه وحيـن
أنت نفـس الي
انرسـل قبل الحـيـاة
والـوصـي مــن عـنــد
رب العـالمــيـن
شلـون يـا حـيدر
عليـك المـوت جــار
وانت موت
المبـغـضـيـن الحـاقـديـن
نـدري مــا قــدروا
عليـك ايحاربــوك
وابصـلاتـك صـوبـك
سيـف اللعـيـن
إنت هــارون الـبـشـر
بـس مـو نبـي
انـت أزيــد مــن
نـبــي لـلـعــارفـــيـن
انت بـس وحـدك
سـلوني الـقـلـتـهـا
والجـواب ابلحظـة
مـن عيـن اليقين
يا علي يا بو الـيتامى
الليلـة صـار
مآتـم اِلْهُـمْ والعـزا
شـوق او حـنيـن
منـه بـعـدك مـنــه
يرعــاهـــم ســواك
والطـمـع مـا خـلَّ
شـي للـمـعــوزيـن
انت ابـوهـم انت
ابـونا امـن الأصـل
انت ابـو الشيعة
وجـميع المـسلـمين
يـلـي لــــولاك
الـخـــلايـــق تـــنتهـي
او شـبلـك الحجـة
يـديـر الـدين زيـن
وسفـة يـتّـمـت الـزمـن
ويـا الـوجــود
واصبحـت لحـزان
فـي كـل الـسنـيـن
واصبح المحراب
خالي امـن الصلاة
لــن صـلاة ابـلا عـلـي
ابـلـيات دين
عــظـم الله الأجــر
لـيـنا ابــفــرقـــتــك
والعـقــيلـة والـحـسـن
ويـا الحـسيـن
والأجــر مـوصــول
لـلـزهــرا البـتـول
والإمـــام الــمنـتـظـر
و ام الـبـنــيـن
